ផលវិបាកនៃការព្យាបាលឬសដូងបាតមិនត្រឹមត្រូវ!

ផលវិបាកនៃការព្យាបាលឬសដូងបាតមិនត្រឹមត្រូវ!

ឬសដូងបាត ជាការរីកធំនៃសរសៃឈាម នៅក្រសាលគូថរបស់មនុស្សដែលមានពីធម្មជាតិ។
ឬសដូងបាត អាចមាន៤ដំណាក់កាល៖
   -ទី១: ស្ថិតនៅក្នុងក្រសាលគូថ
   -ទី២: ធ្លាក់ចុះបន្តិច តែមិនទាន់ចេញផុតទេ
   -ទី៣: ធ្លាក់ចុះក្រសាលគូថផុត រួចចូលវិញ ពេលបន្ទោបង់
   -ទី៤: ធ្លាក់ចុះមិនចូលវិញទេ

ក) រោគសញ្ញា៖
   - ធ្លាក់ឈាមស្រស់ពេលបន្ទោបង់
   - ឈឺចាប់ក្រហាយ ឫរមាសក្រសាលគូថ
   - មានដុំសាច់ទុនៗ ធ្លាក់ជាប់នៅក្រៅក្រសាលគូថ

ខ) ការព្យាបាល៖
ការព្យាបាលភាគច្រើន នៅតំណាក់កាលៈ
   - ទី ២: ដោយការចង
   - ទី ៣ និងទី ៤ ដោយការវះកាត់

ការចាក់ថ្នាំអោយស្វិត ឬរលួយជ្រុះ ត្រូវបានគេបោះបង់ចោលហើយ ព្រោះដោយសារអាចមានវិបត្តិធ្ងន់ធ្ងរ។
បច្ចុប្បន្នមានអ្នកតាំងខ្លួនថាជាគ្រូព្យាបាលឬសដូងបាត ដែលពួកគាត់អោយការព្យាបាលដោយចាក់ថ្នាំនៅក្រសាលគូថដែលធ្វើអោយរលួយ (ដោយមិនបានធ្វើរោគវិនិច្ឆ័យច្បាស់លាស់ថា ជាឬសដូងបាត រឺដុំមហារីក) ហើយជាលទ្ធផលៈ
   - ធ្លាក់ឈាម
   - ដំបៅរលួយបង្ករោគធ្ងន់ធ្ងរ
   - ឬពេលជាសះទៅ ធ្វើអោយខ្ជិបក្រសាលគូថ

ការព្យាបាលស្មុគស្មាញ ដែលជាដំណោះស្រាយៈ
   - បំលែងផ្លូវលាមក (បន្ទោរបង់តាមចង្កេះ)
   - ព្យាបាលរបួសរយៈពេលយូរ
   - ត្រូវវះកាត់ពង្រីកក្រសាលគូថ ២ ទៅ ៣ ដង ក្រោយមកទៀត
   - ចុងបញ្ចប់ត្រូវវះកាត់តពោះវៀនអោយបន្ទោរបង់តាមរន្ធគូថធម្មតាវិញ ហើយភាគច្រើនលទ្ធផលមិនបានល្អដូចដើមឡើយ។

ប្រសិនបើលោកអ្នកមានអាការៈ ឬរោគសញ្ញាដូចបានរៀបរាប់ខាងលើ សូមមកពិគ្រោះ និងធ្វើរោគវិនិច្ឆ័យឲ្យបានច្បាស់លាស់ ជាមួយវេជ្ជបណ្ឌិតជំនាញ ដើម្បីឈានទៅរកការព្យាបាលមួយដ៏ត្រឹមត្រូវប្រកបដោយជោគជ័យ។ ជៀសវាងការព្យាបាលដោយគ្មាន ការធ្វើរោគវិនិច្ឆ័យ និងបច្ចេកទេសត្រឹមត្រូវ ដែលធ្វើឲ្យអ្នកជំងឺអាចគ្រោះថ្នាក់ដល់អាយុជីវិត និងពិការភាពអស់មួយជីវិត ព្រមទាំងខាតពេលវេលានិងលុយកាក់ជាច្រើន។